Posts by tommy_AE

    سلام عليكم اذا سمحتوا يجماعه ممكن رد منطقي وصحيح على سؤالي


    هو ايه اللى بيفتح خانه امير جديد
    كل ما اقف على الخانقه وهى مقفوله يقولي (المتطلبات 3 ليصير متاحا)
    المتطلبات 4 ليسير متاحا)
    هو ايه اللى 3 و ايه اللى 4
    لو سمحتوا قولولي اجابه صحيحه ايه اللى بيفتح انى اضيف امير جديد للمملكة وشكرا

    يجماعه هو انتوا ليه بطاء اوي كدا
    انا عايز ادخل فسيرفر وكل سيرفر بسم الله ما شاء الله قرب يخلص
    ياريت تكتروا السيرفرات
    يكون مابين كل سيرفر والتاني 10 او 15 يوم
    انا بنسي انى عايز ادخل العب ترافيان ممالك
    كل مدخل اسجل الاقي السيرفر اللى بقاله 50 يوم واللى بقاله 80 يوم
    ادخل اعمل فيهم ايه دول !!!!
    يجماعه بجد انتوا اداره هتكره الناس فاللعبه
    ياريت موضوع السيرفرات دا يتحل
    ومتجوش تقولوا بنجرب ومش بنجرب عيب يعني عيب يبقي بقالكوا كام سنه ولسه بتجربوا
    وكل متيجوا تعملوا سيرفر عربي تلزقوا فيه الاجنبي عايزين سيرفر عربي يجماعه هو في ايه !!! X(

    السلام عليكو ورحمه الله وبركاته
    اخوانى عندي اقتراحات وفي نفس الوقت عتب على شركه ترافيان


    اولا الاقتراحات
    1- يكون فى معسكرات - ودي هتبقي افضل بكتيير لانكم عاملين نظام الحصار - والمعسكرات دي بتتعمل ان اى لاعب يدخل عالخريطه ويروح ف اى منطقه فاضبه فالخريطه اى مربع ويبعت جنود تعسكر هناك
    ولو عمل معسكرات جنبه او حولين القريه بتعته ... اى قريه متقدرش تهجم عليه الا ولازم تعدي على معسكر لانه محاوط نفسه بمعسكرات .. فالمعسكر اللى هتعدي عليه الجيش المهاجم لازم تضرب المعسكر الاول وبعدين تدخل على القريه وهكذا
    او انكم ادرسوا موضوع المعسكرات دا واعملوا بطريقتكم
    2- تانى حاجه اعملوا شكل الجيش وهو ماشي فالخريطه ... ودا العتب اللى بعاتبه على شركه ترافيان ______ شركه ترافيان شركه عريقه والعاب جديده لسه طالعه متصفح وعامله النظام دا ___ لانه افضل واحلي __ نظام صفحه فيها ارقام واشكال بس بقي قديم وناس كتير مبتحبهوش انما لو في شكل جيش ماشي رايح يهاجم او يدافع او يعسكر هتبقي افضل ونشوف جيش الناس التانيه اللى بتهجم ... مش لازم العدد ..على الاقل 5 جنود يبقوا ماشيين يبينوا ان فى جيش ماشي .. يعني لازم تحدثوا من نفسكوا شويه حركات الرفرش وصفحه اعداد وشكل واقف بس بقي قديم ورخم ويحسس الواحد كاني محاسب شغال فشركه وبيشتغل ... عايزين نحس بحركه فاللعب


    وشكرا ليكم

    لا بجد لازم الامير يبقى ليه اكثر من خزنه .. كدا وحشه جدا وبتعمل مشاكل كتيره وبتبهدل الدنيا بين اللاعيبه .... كل دا عشان خزنه وحده للامير .. خلو الامير ليه كذا خزنه يجمااااااااعه

    مش ظاهر حتى حمامه السلام
    مفيش غير مره هجمت على واحد وبعتله حمامه السلام وقبلها بس برضه دعوه المملكه متبعتتش

    سلام عليكم ...
    يجماعه لازم تشوفوا حل للموضوع دا بجد
    دلوقتى فى ناس على حدودى ملهمش اى ملك ولا اى حاجه
    وعلى حدودى بالظبط بدوس عليهم مش موجود زر انى اضفهم للمملكه ... طب لييييييييييييه!!
    بجد اللعبه فيها اخطاء رخمه اوى

    سلام عليكم
    عندى اقتراح ثانى وهو الوحوش
    الوحوش تتكاثر بكثره فالواحات بس لما بنحبسها وبنخدهم فقريتنا .. بيحصلهم عقم !!!:confused:
    زى ما بتتكاثر فالواحات تتكاثر فالقريه ..وعشان متتكاثرش زياده عن الحد وتاخد قمح .. ممكن تخلوا ان البطل او الاعب يتحكم فعدد الوحوش يبقى ما يبقى ويقتل الباقى اللى مش عايزه عشان استهلاك القمح
    وبكدا تبقى فى واقعيه شويه فالموضوع دا وادى ميزه للبيتشروا الاقفاص
    ___________________________________________________________________________________
    اقتراحى الثالث
    هو ان يتم وضع الوقت بين اللاعب والاخر الذى سارسل له الموارد
    النهارده حصل معى موقف خلانى اكتب الاقتراح دا
    البطل بتاعى جايب ماه موارد كتيره جدا مخزنى مش هيستوعبها ... حبيت اكبر المخزن ومكنش معايا موارد طلبت من اصدقائى يبعتولى موارد الحق اطوره قبل ما البطل يجى بالموارد وهتروح عليا اكثر من ثلث الموارد اللى المخزن مش هيستوعبها ...والبطل كا فاضله 35 دقيقه ويصل للقريه .. طلبت من اصدقائى ان اللى بعيد عنى اكثر من 35 دقيقه لا يرسل لانه هيكون وصل البطل والموارد راحت ... للاسف مفيش حاجه تعرف امتى هيجى .. لازم اعمل ارسال واتفاجئ بالوقت ...
    وشكرا ويارب تكونوا فهمتوا قصدى
    تحياتى
    tommy

    سلام عليكم ورحمه الله وبركاته
    انا هجمت على واحد كنت انا الملك تبعه وعايز ارجعه تانى ... جالى انى اعرض عليه السلام مش انى اضمه .. اضمه ازاى بقى؟

    وعليكم السلام ورحمه الله وبركاته
    شكرا على ردك الرائع
    وايا يكن بتكلفه ذهبيه او لا فسوف تساعد على توفير الوقت والمجهود للاعبين بشكل كبير جدا وملحووظ

    يحبيبى هما حكام اصلا وانا الملك بتعهم ومكتوب زى ما فى الصوره انى الملك بس للاسف مش داخل حدودى معرفش ليه مدخلوش وعدد سكنهم مش مضاف لعدد سكانى ولا باخد منهم ضريبه
    بس لما بدخل على ترتيب الكنز الاسبوعى بلاقى اسميهم موجوده بس برضه الكنوز +0 لانى اصلا مبخدش منهم ضريبه ولا جوه حدودى مش عارف ليه !!!!

    السلام عليكم ورحمه الله وبركاته
    جت فبالى فكره ولقتها فعلا جميله جدا وهتفيد اللعبه واللاعبيين لو اضافت فاللعبه
    الفكره هى...
    لما باجى اعمل تعزيز لاحد الاعبين او احد الواحات وحبيت ارجعهم بيرجعولى للقريه ...
    طب لو انا حابب ارجعهم عشان اعزز واحد تانى او اعزز واحه تانيه بختار العدد اللى عايز يرجع والعدد اللى عايز اسيبه زى مهو فالواحه او اللاعب اللى بعززله
    بس المشكله هنا الجيش اللى مختاره انه يرجع بيرجع للقريه بتعتى وبعدين اقولهم روحوا عززوا اللعب دا او الواحه دى
    طب ليه منعملش حاجه اسمها اما ارجاع للقريه (اللى هى قريتى ) او ارسال لمنطقه اخرى
    وبالتالى يبقى بدل ما الجيوش ترجع القريه بتعتى وبعدين اقولهم روحوا تعزيز للواحه دى او القريه دى يطلعوا من الواحه اللى كنت معززها ويروحوا للواحه التانيه على طول اللى عايز اعززها
    يبقى ريحنا اللاعبين ومضيعناش وقت ممكن يبقى الواحد عليه هجوم جيله بعد 10 دقايق وحابب مساعده من اعضاء تحالفه مثلا
    وانا عندى قوات تعزيز فواحه ...عشان اودهمله هيرجعوا قريتى وبعدين ابعتهملوا يكون اتهجم عليه وحصل الى حصل ..
    انما لو فى اختياريه فالموضوع اما ارجعهم لقريتى او ارسلهم لحد (كهجوم او تعزيز) ايا كان يبقى افضل وياريت شرحى كان مفيد وفهمتوا منى حاجه ويارب الفكره تعجبكم وينفع تتنفذ
    شكرا ليكوا واسف عالاطاله
    اخوكم
    tommy